САНАЛ АСУУЛГА ...

Асуулт :  Та манай байгууллагаас ямар төрлийн үйлчилгээ авах хүсэлтэй байна вэ?

СЭТГЭЛЗҮЙН ЗӨВӨЛГӨӨ ...
Сэтгэл зүйн онол-арга зүй, харилцааны дадал туршлагад тулгуурлан явагддаг мэргэжпийн үйлчилгээ
• Тохиолдож байгаа бэрхшээлээ бодитой ойлгон ухамсарлан ухаарч, өөрчлөлт хийх шийдвэр гаргахад нөлөөлөх өвөрмөц арга техник
• Амьдралын хүнд байдал, мухардлаас гарах хамтын ажиллагаа
• Хувь хүн болон гэр бүлийн гишүүдийн дотоод нөөц, чадавхийг нээн илрүүлэх, тэдгээрийг дайчлан идэвхжүүлэх, чадваржуулахад чиглэсэн сэдэлжүүлэх үйл явц юм.
Сэтгэлзүйн анхан шатны зөвлөгөөг:Сэтгэл зүйч, багш сурган хүмүүжүүлэгчид хүүхдийг судалж, түүний үр дүнг харгалзан зөвлөгөө өгч болно. Эсвэл хуүхдийн нас сэтгэл зүйн онцлогийн талаар мэдээлэл өгч тодорхой зөвлөмжийг санал болгож болох юм. Энэ бүхэн зөвлөгөөний анхан шатны хэлбэр. Үйлчлүүлэгчид тохиолдсон асуудлын талаар шинжлэх ухааны үндэстэй мэдээлэл өгөх, тодорхой зөвлөмж санал болгоход анхан шатны зөвлөгөөний зорилго чиглэгдэж байдаг.

Засал хавсарсан сэтгэлзүйн зөвлөгөө: Мэргэжлийн сэтгэлзүйчид хийнэ. Сэтгэл засал нь хүмүүсийн алдаатай буруу, үзэл бодолзан үйл харилцаа хандлагад нөлөөлж, зөв шийдвэр гаргажамьдрал ахуйдаа хэрэгжүүлэн турших, өөрсдийн дотоод нөөц боломжоо нээж ашиглах сайн сайхан, аз жаргалтай амьдралын төлөө тэмүүлэх, хүсэл эрмэлзэл, итгэл найдварыг төрүүлж сэдэлжүүлэхэдзасал хавсарсан зөвлөгөөний зорилго, үйл ажиллагаа чиглэгдэж байдаг. Тухайлбал:
• Хүний дотоод өртөнцөд нөлөөлж сэтгэл санаа, оюун ухааныг дайчлан идэвхжүүлэх замаар зөрчил маргаан хүндрэл бэрхшээлээс гарах хэрэгцээ сэдлийг дэмжих
• Үүсэж бий болсон бэрхшээл саадын учир шалтгааныг бодитойгоор ухааран ойлгох, дүгнэлт хийх үйлявцыг дэмжих
• Хүмүүсийн үзэл бодол, зан үйлсэтгэл санаанд нөлөөлж, зөв шийдвэр гаргахад туслах
• Тухайн асуудлаа шийдвэрлэх хувилбаруудыг авч үзэх
• Үйлчлүүлэгчийн гадаад ба дотоод нөөц боломжийг судлан илрүүлж, тэдгээрийг амьдрал ахуйдаа ашиглах өөрийгөө улам хөгжүүлж, чадваржихад дэмжлэг үзүүлэх
• Зан үйлийн ахиц өөрчлөлтийг бататган бэхжүүлэх зэрэг олон талын цогц дэмжин сэдэлжүүлэх чиглүүлэх үйл ажиллагаагаар тодорхойлогдоно.
Сэтгэл заслыг:Мэргэжлийн сэтгэл засалч хийнэ. Сэтгэл засал нь засал хавсарсан зөвлөгөөтэй ижил төстэй. Эдгээр нь онол арга зүй ёс зүйн ижил зарчим дээр тулгуурлан үйлчилгээгээ явуулдаг. Зөвлөгөө өгөх эрхийн дипломтой мэргэжилтнүүд засал хийх боломжтой. Гэхдээ зөвлөгөө засал хоёрын хооронд ялгаа бий. Тухайлбал,
• Шийдвэрлэж байгаа асуудлын зэргэмжээрээ ялгаатай. Сэтгэцийн эмгэг харьцангуй хүнд төвөгтэй асуудлыг шийдвэрлэхэд сэтгэл заслын үйлчилгээ илүү шаардагдана.
• Үйлчлүүлэгч мэргэжилтний хооронд явагдаж байгаа харьцаагаараа онцлог ялгаатай. Сэтгэл засалч нь үйлчлүүлэгчийн сэтгэл санаа, сэтгэл хөдлөлтэй холбоотой асуудлыг шийдвэрлэхэд илүү анхаарч ажилладаг
• Үргэлжлэх хугацаагаараа ялгаатай. Сэтгэл засал хийхэд илүү удаан хугацаа шаардагдана.
• Явуулж байгаа орчин нөхцөл, түүнд тавигдах шаардлагаараа ялгаатай
Сэтгэл заслын үйлчилгээ эмнэлэгийн байгууллага дээр голлон явагддаг бол тусгайлан төхөөрөмжилсөн ердийн өрөө тасалгаанд зөвлөгөөг явуулна. Иймээс зөвлөгөө өгөх техникийг сайтар эзэмшсэн, ёс зүйн хэм хэмжээг мөрдөж ажилладаг, хүнтэй ажилллах туршлагатай, харилцааны эв дүй, ур чадвар сайтай, энэ чиглэлийн үйлчилгээ зөвшөөрлийн эрх авсан мэргэжилтнүүд зөвлөгөө өгч, засал хийнэ.
ХАНДАЛТ
Өнөөдөр112
Энэ 7 хоногт648
Энэ сард4237
Энэ жил117105

2020-04-29   03:48:05   210   0
  СУМДАД АЖИЛЛАЖ БАЙНА.
Тус газрын хамт олон жил бүр 19 суманд зөвлөн туслах үйлчилгээ үзүүлэн, хамтарсан багийн гишүүдээ чадавхжуулах, үйл ажиллагааг нь жигдрүүлэх, иргэнд хүрсэн төрийн үйлчилгээний чанар хүртээмжийг сайжруулах зорилгоор сумдад ажиллаж хэвшээд байна.
Энэ удаа Онцгой байдлын үед эрсдэлт нөхцөлд байгаа хүүхдүүдийг илрүүлэх, судалгаа мэдээллийн санг бүрдүүлж, урьдчилан сэргийлэх цогц арга хэмжээ авч бэлтгэл хангуулах ажлыг сумдад зохион байгуулах чиглэлийг өгч хамтран ажиллаж байна.
Энэ хүрээнд хүүхэд бүрийн аюулгүй байдлыг хангах, хараа хяналттай байлгах, гэмт хэрэг зөрчлөөс урьдчилан сэргийлэх, шаардлагатай хоол хүнс, нэмэлт амин дэмийн тусламж дэмжлэг үзүүлэх, нэн шаардлагатай байгаа салбарын үйлчилгээнд холбон зуучилж хамруулах ажлыг хийлээ.
Он гарсаар Арвайхээр сумын хэмжээнд эрсдэлт нөхцөлд байж болзошгүй 382 айл өрхөд 3 удаагийн эргэн хяналтаар ажиллаж 75 өрхөд ариутгалын бодис, маск, витамины дэмжлэг үзүүлж, эрүүл мэндийн үйлчилгээ зайлшүй шаардлагатай 5 хүүхэд 3 эмэгтэйг эмчлүүлсэн.
Хархорин, Бат-Өлзий, Хужирт сумдад ажиллахдаа өрх гэр бүлд түүврийн аргаар судалгаа хийж, цаг үеийн нөхцөл байдлын талаар зөвлөгөө мэдээлэл өгч ажиллан 61 өрхийн 207 хүүхдэд нөхцөл байдлын үнэлгээ хийж, эрсдэлт нөхцөлд байгаа 23 хүүхдийн мэдээллийг хамтарсан багт өгч, кейс хувийн хэрэг нээн үйлчилгээ үзүүлж байна. Тус сумдад ажиллахад сэтгэл зүйн үйлчилгээнд 17 иргэн, 28 хүүхэд хамрагдлаа.
СЭДЭВ : Цаг үеийн мэдээ